英格蘭歐國聯7:0狂數克羅地亞

歐洲國家聯賽A3組賽事，英格蘭作客以7:0大勝克羅地亞，哈利卡尼及薩卡各自梅開二度。同組另一場，世界盃冠軍西班牙在主場以3:1擊敗捷克，分組賽三戰全勝。

歐洲國家聯賽A3組賽事，英格蘭作客以7:0大勝克羅地亞，前鋒哈利卡尼喺開賽8分鐘揭開大勝序幕，加上比寧咸、哥頓同薩卡嘅入球，英格蘭上半場已經領先4:0。

雖然克羅地亞換邊後一口氣作出三個換人調動，但哈利卡尼同薩卡之後分別攻入今場個人第二球，加上摩根羅渣士喺比賽末段埋齋，最終英格蘭大勝對手7:0。

同組另一場賽事，世界盃冠軍西班牙喺主場以3:1擊敗捷克，分組賽三戰全勝。也馬開賽6分鐘先開紀錄，中場洛迪靴蘭迪斯喺35分鐘擴大比數。

半場兩球在手嘅西班牙，換邊後中段被對手追至1:2較接近比數，但對手之後有球員兩黃一紅被逐，加上美連奴完場前嘅入球，協助主隊鎖定勝局。