長者飲食突變或為腦退化早期警號

神經專科醫生指出，長者飲食習慣出現五大轉變，例如突然愛吃甜、煮食變得簡單或忘記食飯，可能是腦退化症的早期警號。本港醫院管理局亦列出腦退化症各階段的典型症狀，呼籲家人及早察覺。

外媒報道引述神經學專家福圖希醫生（Dr. Majid Fotuhi）指出，若長者飲食習慣突然出現轉變，例如變得揀飲擇食，或每餐都要食甜嘢，這可能是大腦發出求救信號。他提醒，以下五種飲食習慣的改變，往往係腦退化症最易被忽略的早期徵兆。

第一，煮食變得簡單：以往擅長煮餸的長者，突然只整簡單菜式，甚至完全停煮。因為規劃菜單、採購食材及烹調步驟需要極高嘅大腦組織及協調能力，當認知能力受損，佢哋會覺得煮食太難而放棄。第二，對食物失去興趣：大腦退化往往先影響嗅覺，令食物味道變淡，加上腦退化常伴隨抑鬱，使人失去興趣。

第三，忘記食飯或錯過用餐時間：腦退化影響記憶，令患者忘記食飯，甚至忘記自己剛食完。病情亦會干擾飢飽信號系統，令患者難以解讀飢餓信號。第四，固執地重複選擇同一種食物：患者大腦思考變得費力，揀選熟悉嘅食物可以減輕決策負擔，重複嘅食物能提供安全感。

第五，突然愛食甜嘢：好大可能係腦退化症的一種典型跡象，同大腦獎賞機制及衝動控制電路受損有關。當腦內負責調節衝動嘅區域受損，患者會難以控制對甜嘢同澱質食物嘅渴求。

醫院管理局資料顯示，腦退化症係由腦神經細胞病變導致大腦功能衰退嘅疾病。早期（第1至2年）患者會出現短期記憶減退、難以表達抽象事物、情緒行為突變等症狀，家人通常以為只係正常老化。中期（第2至5年）患者會混淆長期記憶同現實，需要他人協助日常自理。後期（第5年後）患者幾乎完全依賴他人照顧，甚至忘記熟悉嘅人同事，無法有效溝通。